Biz Brüsselin ikili standartlarına öyrəşmişik, lakin gördüklərimiz, xüsusilə Ukrayna və Moldova ilə bağlı olanlar, bütün gözləntiləri aşır, – bunu parlamentin Avrointeqrasiya Komitəsinin sədri Levan Maxaşvili bildirib.

Maxaşvilidən Avropa Komissiyasının genişlənmə ilə bağlı qiymətləndirmə sənədi barədə soruşulub. Yayılmış məlumata görə, Avropa Komissiyası Ukrayna və Moldova ilə bağlı sənəddən korrupsiya və insan hüquqları üzrə maddələri çıxarıb.

“Bu, yalnız bir şeyi göstərir ki, görünür Avropa Komissiyasının məqsədi obyektiv və faktiki şəraitin araşdırılması və onun əsasında obyektiv həqiqətin müəyyən edilməsi olmayıb. Əksinə, bu sənədin məqsədi onu siyasi məqsədlər üçün istifadə etmək, müxtəlif ölkələrə, xüsusilə Gürcüstana münasibətdə öz ikili standartlarını əsaslandırmaq olub”, – deyə Maxaşvili bildirib.