Levan Makhashvili bildirib ki, ABŞ-nin əvvəlki administrasiyası ağır irs qoyub və bu mirası tarixə təhvil vermək, münasibətləri isə qarşılıqlı maraqlar əsasında yenidən qurmaq üçün növbəti addımların atılması zəruridir.
Onun sözlərinə görə, son aylarda ictimaiyyət məhz bu siyasi iradənin həyata keçirilməsini müşahidə edib.
“Əgər sahələr üzrə qiymətləndirsək, təhlükəsizlik, təhsil və iqtisadiyyat istiqamətində addımlar olub. Vaxtaşırı yüksək səviyyədə siyasi kommunikasiya da baş tutub və bu, məhz iş prosesidir. Hər hansı gözləntilər barədə açıq danışmaq istəmirik, çünki iş prosesinə imkan vermək, müəyyən məsələlər üzrə razılaşmaq istəyirik. Görürük ki, bu münasibətlər kommunikasiya, səfər və telefon zənglərindən sonra irəliləyir. Müsbət dinamika var və gələcək addımlarla bağlı müsbət gözləntilərimiz mövcuddur ki, vaxtilə bu münasibətləri ən yaxşı variant saydığımız nöqtəyə çatdıra bilək. Söhbət strateji tərəfdaşlığın bərpasından gedir. Bu prosesləri gözləyək. Məhsuldar iş prosesi gedir və yaxın zamanda konkret addımlar barədə ictimaiyyətə məlumat vermək imkanı olacaq”, – deyə o bildirib.