“Milli Hərəkat”ın lobbiçiləri tərəfindən tərtib edilən aktlara diqqət yetirmirik, Amerika ilə münasibətlərin yenidən başlaması bizim üçün vacibdir və biz buna hazırıq – bu haqda parlament çoxluğunun üzvü Levan Macavariani bildirib.

O, Donald Trampın Amerikada “Dərin dövlət”in təsirlərini məğlub etməsinin vacib olduğunu və bundan sonra, münasibətlərin keyfiyyətcə yenidən başlaması üçün imkanlar olacağını bildirib.

“Bu akt neçə dəfə təxirə salınıb və təşəbbüsü irəli sürülüb, sayını itirmişəm. Səhv etmirəmsə, bu aktla bağlı dinləmə oldu, o zaman kapitan Qiqaurini çağırmışdılar, onu elə təqdim etdilər ki, guya o, Gürcüstan xalqının fikrini ifadə edən şəxs idi. Bununla qərəzlilik asanlıqla deşifrə edilir. Helsinki Komissiyasının iclası Şalva Natelaşvilinin məktubu ilə açıldı və bütün bunların nə qədər „ciddi“ olduğu göründü. “Milli Hərəkat”ın lobbiçiləri tərəfindən tərtib edilən aktlara diqqət yetirmirik, Amerika ilə münasibətlərin yenidən başlaması bizim üçün vacibdir və biz buna hazırıq. Donald Trampın Amerikada “Dərin dövlət”in təsirlərini məğlub etməsi bizim üçün vacibdir. Bundan sonra münasibətlərin keyfiyyətcə yenidən başlaması üçün imkanlar olacaq” – Macavariani bildirib.