Hökumətin bütün fərmanları tam şəffafdır, əmlakın birbaşa özəlləşdirilməsi qaydası dəyişdirilib və funksiyalarından biri korrupsiyanın aradan qaldırılması olan Audit Xidməti gücləndirilib – bu haqda parlament çoxluğunun üzvü Levan Macavariani bildirib.

O, hökumətin korrupsiyaya qarşı amansız mübarizə elan etdiyini, korrupsiya ilə barışmaz olacağını deyib.

“Dövlət Təhlükəsizliyi Xidmətinin bəyanatlarına əsasən, cinayətin əlamətləri görünür, bu isə təəssüfdoğurucudur, istintaqı gözləməliyik, lakin indiki zamanda yaşayırıq və hökumətin bütün fərmanlarının tam şəffaf olduğunu, əmlakın birbaşa özəlləşdirilməsi qaydasının dəyişdirildiyini və funksiyalarından biri korrupsiyanın aradan qaldırılması olan Audit Xidmətinin gücləndirildiyini görmək vətəndaşlar üçün xoşdur. Bütün bunlar korrupsiyaya qarşı nə qədər amansız mübarizə elan etdiyimizdən xəbər verir. İstər yaxın dostumuz, istər komanda yoldaşımız olsun, korrupsiya ilə barışmaz olacağıq. Korrupsiyanın azlığı baxımından dünyanın 3 ölkəsi sırasında olmaq bəyan etdiyimiz mövqeyimizdir. Bütün bunlar ona xidmət edir ki, əgər hər hansı bir fakt aşkarlanarsa, heç kim göz yummayacaq. İstənilən insan qeyri-dövlətçilik addımı atmazdan və qanunsuz yolla nəsə vəsaiti mənimsəməyə çalışmazdan əvvəl iki dəfə düşünəcək” – Levan Macavariani bildirib.