Levan Maçavariani – Brüsselin atdığı addımların mahiyyətini anlamaq çətindir, Qulevi məsələsində isə vəziyyət sadədir – bu, özəl mülkiyyətdə olan limandır

“Brüsselin atdığı addımların mahiyyətini anlamaq çətindir. Qulevi məsələsində isə vəziyyət sadədir – bu, özəl mülkiyyətdə olan limandır. Burada dövlətin heç bir rolu yoxdur, dövlətin vəzifəsi yalnız ərazidən sanksiyalardan yayınmaq məqsədilə istifadə edilməməsini təmin etməkdir”, – bunu parlament çoxluğunun üzvü Levan Maçavariani bildirib.

Maçavarianinin sözlərinə görə, ölkəyə heç bir sanksiyaya məruz qalan məhsul, eləcə də sanksiyalı gəmi daxil olmur.

“Haqqında sanksiya tətbiq edilən həmin gəmi limanda olduqdan sonra sanksiya siyahısına salınıb və bundan sonra limana qayıtmayıb. Əlbəttə, burada heç bir sual işarəsi yoxdur və ümid edirəm ki, bütün bunlar müvəqqətidir. Altı aylıq müddət var və ümid edirəm ki, limanın sahibləri ilə Brüssel bir-birini başa düşəcək. Əminəm ki, o, siyahıdan çıxarılacaq. Yəni sanksiyalara məruz qalmayacaq”, – deyə Levan Maçavariani bildirib.

Məlumat üçün bildirək ki, Avropa İttifaqının sanksiyalarının 21-ci paketinə Qulevidə yerləşən neft emalı zavodu daxil edilib. Sanksiyaların qüvvəyə minməsi üçün altı aylıq müddət müəyyənləşdirilib.