Levan Jorjoliani: Təcrübə proqramında iştirak edən tələbə və məzunlar həm nəzəri biliklərini dərinləşdirmək, həm də praktiki təcrübə əldə etmək imkanı qazanacaqlar

Təcrübə proqramında iştirak edən tələbə və məzunlar həm nəzəri biliklərini dərinləşdirmək, həm də praktiki təcrübə əldə etmək imkanı qazanacaqlar ki, bu da onların gələcək peşəkar inkişafı baxımından mühüm əhəmiyyət daşıyır. Bu barədə Gürcüstan Hökumət Administrasiyasının rəhbəri Levan Jorjoliani bildirib.
Levan Jorjolianinin sözlərinə görə, baş nazirin təşəbbüsü ilə hazırlanan və sentyabr ayında elan ediləcək təcrübə proqramı 3 000-dən çox vakansiyanı əhatə edəcək.
“Vacibdir ki, bizim müraciətimiz əsasında regionlardakı bələdiyyələr təcrübəçilər, məzunlar, magistratura tələbələri və magistratura məzunları üçün əlavə vakansiyalar yaradıblar. Bununla gənclərin öz regionlarında, öz bələdiyyələrində təcrübə keçmək və təcrübə qazanmaq imkanı olacaq.
Bu, çox mühüm proqramdır. Çünki tələbə və məzunlar həm nəzəri biliklərini dərinləşdirmək, həm də praktiki təcrübə əldə etmək imkanı qazanacaqlar. Bu da onların gələcək peşəkar inkişafı baxımından olduqca vacibdir”, – deyə Levan Jorjoliani bildirib.