Gürcüstanın Baş naziri Antaliya Diplomatik Forumunun liderlər panelində çıxış edəcək. Bu barədə Gürcüstan hökuməti administrasiyasının rəhbəri Levan Jorjoliani bildirib.

Levan Jorjolianinin sözlərinə görə, Antaliyada ikitərəfli görüşlər də keçiriləcək.

“Gürcüstan nümayəndə heyəti, Baş nazirin rəhbərliyi ilə Antaliya Diplomatik Forumunda iştirak edəcək. Baş nazirə liderlər panelində çıxış etmək imkanı veriləcək. Həmçinin panel müzakirələri keçiriləcək, nümayəndə heyəti açılış sessiyasında iştirak edəcək. İkitərəfli görüşlər olacaq, o cümlədən Prezident Ərdoğan ilə görüş baş tutacaq. Forumun məqsədi ölkələrin bu gün yalnız regionda deyil, bütün dünyada mövcud olan qlobal çağırışların aradan qaldırılması üçün maksimum əməkdaşlıq etməsidir”, – deyə Levan Jorjoliani bildirib.