Strasburq məhkəməsi nifrət nitqini, söyüşü müdafiə etmir, bu, standartdır, geridə qalanı məhkəməmizə təqdim olunan sübutlardan asılıdır – bu barədə xalq müdafiəçisi Levan İoseliani deyib.

Jurnalist Levan İoselianiyə sual verib – “Gürcü Arzusu”nun nümayəndələri ilə bağlı yazılmış statuslara görə jurnalistlərin, siyasətçilərin və vətəndaş fəallarının məhkəməyə çağırılmasını necə qiymətləndirərdi? Cavab olaraq İoseliani qeyd edib ki, bu, konkret işlər üzrə məhkəməyə təqdim olunan sübutlardan asılıdır.

“Strasburq İnsan Hüquqları Məhkəməsi çox sərt və tənqidi fikirləri, o cümlədən qəbuledilməz və şokedici ola biləcək ifadələri müdafiə edir. Lakin, Strasburq İnsan Hüquqları Məhkəməsi nifrət nitqini, zorbalığı, zorakılığı təhrik etməyi və ya söyüşü müdafiə etmir. Bununla bağlı bir sıra qərarlar qəbul edilib, o cümlədən Strasburqda və Konvensiyanın 10-cu maddəsi bu şəkildə izah edilir. Buna görə də, bu, məhkəmənin istifadə etdiyi standartdır və geridə qalanı artıq yerli, məhkəməmizə konkret işlər üzrə hansı sübutların təqdim olunacağından asılıdır” – İoseliani bildirib.