Fikrimcə, vaxtilə “Şəffaflıq qanunu” ilə bağlı mövcud gözləntilər şişirdilmişdi. Amerika qanunvericiliyinin qeyri-demokratik olması barədə danışmağa belə ehtiyac yoxdur – bu barədə Gürcüstanın xalq müdafiəçisi Levan İoseliani mayın 31-dən qüvvəyə minən “Xarici agentlərin qeydiyyatı aktı” haqqında deyib.

Lakin, İoseliani bildirib ki, qeyd olunan qanunvericiliyin tətbiqinin bu qanunun hədəf aldığı subyektlər üçün məhdudiyyətlər və ya insan hüquqları baxımından problemlərə səbəb olub-olmayacağını müşahidə edəcək.

“Yeni qanunvericiliyə gəlincə, “Şəffaflıq haqqında” qanunla paralel apardım. “Şəffaflıq qanunu”nun təşəbbüsü irəli sürüləndə, mənim mövqeyim o idi ki, şəffaflıq legitim məqsəddir və müvafiq olaraq, biz tətbiq olunarkən bu qanunvericiliyin mövcudluğunun konkret insanların və ya qeyri-hökumət təşkilatlarının hüquqlarını nə dərəcədə məhdudlaşdıracağını gələcəkdə müşahidə edəcəkdik.

Fikrimcə, vaxtilə “Şəffaflıq qanunu” ilə bağlı mövcud gözləntilər şişirdilmişdi. Bu qanunla bağlı da, bu Amerika qanunvericiliyidir və müvafiq olaraq, onun qeyri-demokratik olması barədə danışmağa belə ehtiyac yoxdur. Lakin, Gürcüstanda bu qanunvericiliyin tətbiq olunacağı kontekstdə biz bu qanunvericiliyin tətbiqinin bu qanunun hədəf aldığı subyektlər üçün məhdudiyyətlər və ya insan hüquqları baxımından problemlərə səbəb olub-olmayacağını müşahidə edəcəyik. Əgər belə bir şey baş verərsə, əlbətdə, mən xalq müdafiəçisi olaraq bu barədə açıq danışacağam” – Levan İoseliani bildirib.