Polisin xüsusi vasitələrdən istifadə etməsi çox pisdir. Biri var polis fərdi tədbiri qanunu pozan şəxsə qarşı tətbiq etsin, amma insanların döyülməsinə heç nə haqq qazandırmır – bu haqda xalq müdafiəçisi Levan İoseliani İnqoroğva klinikasında aksiyada xəsarət alanları ziyarət etdikdən sonra bildirib.

İoseliani, yaralananların demək olar ki, hamısının üz və baş nahiyəsində xəsarət aldığını deyib.

“Mən palatalarda olan bütün zərərçəkənləri ziyarət etdim. Biri haqqında mənə dedilər ki, o, reanimasiya şöbəsindədir və əməliyyat olunur. Mən hamı ilə danışdım. Demək olar ki, onların hamısının üz və baş nahiyəsində xəsarətlər var, müvafiq olaraq, aydın olur ki, bu halda baş nahiyəsində zorakılıq baş verib. Mənə dedilər ki, əl nahiyəsindən xəsarət alanlar da var. Polisin xüsusi vasitələrdən istifadə etməsi çox pisdir. Biri var polis fərdi tədbiri qanunu pozan şəxsə qarşı tətbiq etsin, amma insanların döyülməsinə heç nə haqq qazandırmır. Artıq dörd gündür müraciət edirəm və bu gün bir daha müraciət edəcəyəm ki, polis tədbirləri zamanı fərdi tədbiri qanunu pozan şəxsə qarşı tətbiq etsinlər. İnsanlarla bu cür rəftar etmək qətiyyən qəbuledilməz və tamamilə ağlasığmazdır” – Levan İoseliani bildirib.

Levan İoselianinin qeyd etdiyi kimi, o, Xüsusi İstintaq Xidmətini işləri effektiv şəkildə araşdırmağa çağırır.

“Artıq 4 gündür saxlanılanlarla bağlı məlumat yayırıq. Biz artıq bütün Gürcüstan miqyasında 160-a yaxın insana baş çəkmişik və onların hamısı ayrı-ayrılıqda ifadə verib, protokol tərtib olunub. Təəssüf ki, bu insanların 80 faizi döyülüb. Onlar polis tərəfindən həddən artıq güc tətbiq edildiyinə işarə edirlər. Biz bütün belə hallara reaksiya verdik və bu materialları Xüsusi İstintaq Xidmətinə göndərdik. Mən bir daha Xüsusi İstintaq Xidmətini işləri effektiv şəkildə araşdırmağa çağırıram. Mən bir daha Daxili İşlər Nazirliyinə müraciət edirəm, insanları bu cür üsullardan istifadə etməklə həbs etməkdən imtina etsin” – Levan İoseliani qeyd edib.