“Lelo – Güclü Gürcüstan”da bəyan edirlər ki, Milli İcra Bürosu partiyanın hesablarına həbs qoyub.

“Lelo – Güclü Gürcüstan”ın baş katibi İrakli Kupradzenin brifinqdə dediyi kimi, müvafiq məzmunlu məktubu partiyada bu gün alıblar.

“Antikorrupsiya Agentliyi ilə yanaşı, Gürcüstanın Ədliyyə Nazirliyi bizə hücum edir, Milli İcra Bürosu bizə hücum edir. Bu gün məktub aldıq, məktubda Milli İcra Bürosu bizi məlumatlandırır ki, “Lelo – Güclü Gürcüstan” koalisiyasının rəsmi bank hesabı dondurulub” – İrakli Kupradze bildirib.

Onun sözlərinə əsasən, beş gün ərzində “qeyri-legitim hakimiyyət, qeyri-legitim baş nazir Kobaxidze, dırnaqarası parlament sədri Papuaşvili və digərləri “Güclü Gürcüstan” koalisiyasına gülməli, yumoristik hücum həyata keçirirlər”.

“Onların “Lelo – Güclü Gürcüstan” və onun qurucusu Mamuka Xazaradzeyə qarşı apardıqları və fəaliyyətimizə real əngəl olmasaydı, onların bu təbliğat hekayəsi bizim üçün tamamilə qeyri-ciddi olardı.
Görürük ki, bu anlaşılmazlıq, axmaqlıq və yumor janrında olan klounadaya dırnaqarası baş nazir Kobaxidze o cümlədən Almaniya səfirini sürükləyib. “Gürcü Arzusu”nun artıq illər ərzində fəal mübarizə apardığı və 2025-ci ilin iyulun 1-də Almaniya səfirini ölkədən qovmaqla bağlı bəyanat verdikləri Almaniya səfirini. “Gürcü Arzusu”nun siyasi təbliğatına və anlaşılmaz strategiyalarına uyğun gələn bu uydurulmuş dəlilik, çılğınlıq iki məqsədə – Almaniya səfirinə hücuma və Bidzina İvanişviliyə qarşı fəal mübarizə aparan Qərbyönümlü koalisiyaya hücuma xidmət edir və bu, “Lelo – Güclü Gürcüstan” koalisiyasıdır” – İrakli Kupradze bildirib.