Gürcüstanın maliyyə naziri Laşa Xutsişvili Asiya İnkişaf Bankının Mərkəzi və Qərbi Asiya Regional Departamentinin direktoru İucin Jukovla görüşüb.

Maliyyə Nazirliyinin mətbuat xidmətinin məlumatına əsasən, tərəflər Gürcüstan və Asiya İnkişaf Bankı arasında uzunmüddətli əməkdaşlıq məsələlərini və gələcək planları nəzərdən keçiriblər. Asiya İnkişaf Bankının ölkənin iqtisadi, sosial və institusional inkişafındakı rolu vurğulanıb.

Görüşdə ölkə üçün mühüm olan yeni infrastruktur və ekoloji layihələrin maliyyələşdirilməsi imkanlarına toxunulub. Laşa Xutsişvili ümid etdiyini bildirib ki, bankla Gürcüstan arasında əməkdaşlıq 2024-2028-ci illər üçün təsdiq edilmiş strategiyaya uyğun olaraq fəal şəkildə davam edəcək.

Maliyyə Nazirliyində keçirilən görüşdə maliyyə nazirinin müavini Ekaterine Quntsadze, Asiya İnkişaf Bankının Gürcüstandakı daimi nümayəndəliyinin rəhbəri Lesli Berman Lam və nümayəndə heyətinin digər üzvləri də iştirak ediblər.