Laşa Parulava – “Gürcü Arzusu” ictimaiyyətə yalançı bir dilemma sırıyır; əgər Gürcüstanın təhlükəsizliyinə, azadlığına və – digər məsələlərlə yanaşı – onun yenidən birləşməsinə təminat verən kimsə varsa, bu, məhz Qərbli tərəfdaşlarımızdır

” ‘Gürcü Arzusu’nun vicdansızlığının həddi-hüdudu yoxdur. Onlar ictimaiyyətə bir növ yalançı seçim qarşısında qalma vəziyyəti sırıyırlar. Görünür, kimsə bizdən Abxaziyadan və torpaqlarımızdan imtina etməyimizi tələb edir”, – deyə “Milli Hərəkat”ın üzvü Laşa Parulava bildirib.

Farulavadan Parlamentin sədri Şalva Papuaşvilinin bəyanatı barədə soruşuldu; həmin bəyanata əsasən, “Gvaramiya Abxaziya və Sxinvali bölgəsinin Rusiyaya təhvil verilməsini nəzərdə tutan kampaniya mesajını təkrarlayır və hər kəs yadda saxlamalıdır ki, Abxaziya və Sxinvali bölgəsi olmadan Avropa İttifaqına üzvlüyün Gürcüstan üçün heç bir dəyəri yoxdur”.

Laşa Parulavanın fikrincə, Papuaşvilinin hazırda etdiyi hərəkət əslində mövcud vəziyyətin təhrif edilməsidir.

“Biz nəinki torpaqlarımızı — tarixi torpaqlarımızı, əcdadlarımızın məzarlarını və müqəddəs məkanlarımızı — güzəştə getməkdən imtina edəcəyik, həm də onları geri qaytarmaq və Gürcüstanın yenidən birləşdiyini görmək tariximiz və ölkəmiz qarşısında bizim borcumuzdur.”Əgər Gürcüstanın təhlükəsizliyinin və azadlığının – o cümlədən ölkəmizin yenidən birləşməsinin – təminatçısı qismində çıxış edən kimsə varsa, bu, Gürcüstanın ərazi bütövlüyünü, suverenliyini və beynəlxalq səviyyədə tanınmış sərhədlərini dəstəkləyən Qərbli tərəfdaşlarımızdır”, – deyə Laşa Parulava qeyd edib.