Gürcüstanın xarici işlər nazirinin müavini Laşa Darsaliya bildirib ki, “Moskva mexanizmi” çərçivəsində yaxın vaxtlarda Gürcüstana ekspert gələcək.

Onun sözlərinə görə, gürcü tərəfi tərəfindən ekspertə bütün zəruri məlumatlar təqdim olunacaq.

“Bildiyiniz kimi, ATƏT-in bir neçə üzv ölkəsinin tələbi ilə aşağışağı “Moskva mexanizmi” işə salınıb. Müvafiq olaraq, DTİHB-in (ODIHR) əvvəlcədən təsdiqlənmiş siyahısından bir ekspert seçilib və o, yaxın vaxtlarda Gürcüstana səfər edəcək. Səfər çərçivəsində gürcü tərəfi tərəfindən bütün lazımi məlumatlar təqdim olunacaq. Onun hazırlayacağı sənədi gözləyəcəyik və zərurət yaranarsa, əlavə şərhlər verəcəyik”, – deyə Darsaliya bildirib.

Məlumat üçün qeyd edək ki, yanvarın 29-da Gürcüstanla bağlı “Moskva mexanizmi” ATƏT-in 24 üzv ölkəsi tərəfindən aktivləşdirilib və ekspert missiyasının yaradılması tələb olunub.

Eyni zamanda, ATƏT-in rəsmi səhifəsində yayılan məlumata görə, Gürcüstanla bağlı “Moskva mexanizmi” üzrə ekspert missiyası fevralın 11-dən fəaliyyətə başlayır.