2025-ci ilin 15-19 sentyabr tarixlərində Vyanada Beynəlxalq Atom Enerjisi Agentliyinin (İAEA) 69-cu Baş Konfransı keçirilir.

Gürcüstanın Xarici İşlər Nazirliyinin məlumatına əsasən, konfrans çərçivəsində Gürcüstanın xarici işlər nazirinin müavini Laşa Darsalia Gürcüstan adından bəyanat verib və bu bəyanata əsasən, ölkə nüvə texnologiyalarından təhlükəsiz, mühafizə olunan və dinc məqsədlərlə istifadənin təşviqi istiqamətində Agentliyin missiyasını və fəaliyyətini qətiyyətlə dəstəkləyir.

“Nazir müavini Qara dəniz regionunda nüvə təhlükəsizliyinin əhəmiyyətini vurğulayıb və qeyd edib ki, regionun sabitliyi beynəlxalq sülh və təhlükəsizliyin təmin edilməsi baxımından xüsusi əhəmiyyət kəsb edir.

Bəyanatda qeyd olunub ki, Rusiya tərəfindən işğal olunmuş Abxaziya və Sxinvali bölgələrində mövcud vəziyyət nüvə təhlükəsizliyi üçün mühüm çağırışdır, xüsusən də beynəlxalq çıxışın və monitorinqin olmadığı bir şəraitdə.

Sonda, nazir müavini Gürcüstanın Agentliyin mandatına sadiqliyini və sülh və təhlükəsizliyin dəstəklənməsi məqsədilə bütün üzv dövlətlərlə əməkdaşlığa hazır olduğunu bir daha təsdiqləyib” – Gürcüstanın Xarici İşlər Nazirliyi tərəfindən yayılmış məlumatda qeyd olunub.