Bakı-Tbilisi-Qars dəmir yolu xətti regionda tamamilə yeni imkanlar yaradacaq, “Gürcüstan Dəmir Yolları” isə eksklüziv operator olacaq – bu barədə “Gürcüstan Dəmir Yolları”nın baş direktoru Laşa Abaşidze deyib.

Onun sözlərinə əsasən, sözügedən xəttin tam fəaliyyətə başlaması Avropa ilə Asiya arasında yük daşınması müddətini azaldacaq və Gürcüstanın Orta Dəhlizdəki rolunu artıracaq.

Bakı-Tbilisi-Qars yeni dəmir yolu xətti rəsmən açıldı. Gürcüstanın Baş naziri İrakli Kobaxidze, iqtisadiyyat və dayanıqlı inkişaf naziri Mariam Kvrivişvili, Azərbaycan Respublikasının rəqəmsal inkişaf və nəqliyyat naziri Rəşad Nəbiyev və Türkiyə Respublikasının nəqliyyat və infrastruktur naziri Abdulkadir Oraloğlu, eləcə də hökumət və özəl sektorun nümayəndələri tədbirdə iştirak edirdilər.

“Bakı-Tbilisi-Qars yeni dəmir yolu xətti regionda əlavə daşıma qabiliyyəti yaradan, yük axını marşrutlarının diversifikasiyasına əhəmiyyətli dərəcədə töhfə verən və regionun əlaqəliliyini gücləndirən tarixi əhəmiyyətli infrastruktur layihəsidir. Dəmir yolu xətti tamamilə yeni infrastrukturu əhatə edir: 153 km-lik xətt bərpa edildi və yenidən quruldu, 27 km uzunluğunda yeni, Avropa standartlarına uyğun dəmir yolu xətti inşa edildi.

Qeyd etmək lazımdır ki, Bakı-Tbilisi-Qars dəmir yolu 2017-ci ildən bəri sınaq rejimində fəaliyyət göstərməsinə baxmayaraq, yükdaşımalarda artım trendini qoruyub saxlayırdı. Mövcud proqnoza əsasən, xəttin tam istismara verilməsindən sonra yük daşımalarının həcmi 1 milyon tondan 5 milyon tona qədər artmalıdır. “Gürcüstan Dəmir Yolları” sözügedən hissədə eksklüziv operator olacaq” – yayılmış məlumatda qeyd olunub.