Lançxutinin meri Aleksandre Sarişvili Lançxuti munisipalitetinin bütün inzibati vahidlərində güclü qar yağdığını və texnikanın işinin çətinləşdiyini bildirir.

O bildirib ki, əhaliyə əllərindən gələn yardımı etməyə çalışırlar, lakin bəzi yerlərdə onlarla əlaqə yaratmaq mümkün deyil.

“Lançxutidə vəziyyət son dərəcə ağırdır. Güclü qar yağır, dəmir təkərli texnikadan başqa heç bir texnika işləyə bilmir. Elə yerlər var ki, bu texnika belə vəziyyətə fiziki olaraq müdaxilə edə bilmir. Əhali kömək istəyir və əlimizdən gələni edirik, lakin elə yerlər var ki, əlaqə belə qura bilmirik və əraziyə gedə bilmirik. Qar yağması davam edir və bu mərhələdə biz müxtəlif yerlərdə – Atsana, Mamati, Çoçxati, Niqvziani, Supsa, Ğrmağele, bütün inzibati vahidlərdə bu vəziyyətlə üzləşmişik. Evlərin uçduğu yerlər var. Texnika işləyir, lakin təmizlənmiş yol qarla dolur və yenidən təmizlənməlidir” – Aleksandre Sarişvili bildirib.