Daxili İşlər Nazirliyinin Kvemo Kartli Polis Departamentinin Bolnisi Rayon İdarəsinin əməkdaşları “isti izlər”lə həyata keçirilən əməliyyat-axtarış tədbirləri və istintaq hərəkətləri nəticəsində, 1998-ci il təvəllüdlü B.İ. və 1995-ci il təvəllüdlü K.İ.-ni qrup halında törədilmiş qanunsuz azadlıqdan məhrum etmə ittihamı ilə saxlayıblar. Məlumatı Daxili İşlər Nazirliyi yayır. Cinayət 7 ildən 10 ilə qədər azadlıqdan məhrum etməni nəzərdə tutur.

“İstintaqla müəyyən edilib ki, Bolnisi Munisipalitetində B.İ. qardaşı, həmçinin təqsirləndirilən şəxs qismində saxlanılan K.İ.-nin köməyi ilə 2006-cı il təvəllüdlü qızı, qadın və kişi bərabərliyinə dözümsüzlük motivi ilə, evlənmək məqsədilə, qanunsuz azadlıqdan məhrum edib.

Hüquq-mühafizə orqanlarının əməkdaşları baş vermiş cinayət barədə məlumat alan kimi dərhal həyata keçirilmiş əməliyyat-axtarış tədbirləri nəticəsində qaçırılan qızın yerini elə həmin gün müəyyən ediblər, B.İ. və K.İ.-ni isə təqsirləndirilən şəxs qismində saxlayıblar.

Əvvəlcədən razılaşdırılmış şəkildə qrup tərəfindən qanunsuz azadlıqdan məhrum etmə faktı üzrə istintaq Gürcüstan Cinayət Məcəlləsinin 143-cü maddəsinin 3-cü hissəsinin “a” yarımbəndi ilə aparılır” – DİN-in məlumatında qeyd olunub.