Daxili İşlər Nazirliyinin Kvemo Kartli Polis Departamentinin Qardabani Rayon İdarəsinin əməkdaşları ailədə zorakılıq ittihamı ilə 1975-ci il təvəllüdlü R.B.-ni saxlayıblar.

Cinayət 3 ilə qədər azadlıqdan məhrum etməni nəzərdə tutur.

“İstintaqla R.B.-nin qarşılıqlı mübahisə zamanı həyat yoldaşı – 1990-cı il təvəllüdlü S.K.-ya qarşı fiziki təhqirə yol verdiyi və onu şəxsi həyatı əks etdirən görüntüləri yaymaqla təhdid etdiyi müəyyən edilib. Hüquq-mühafizə orqanlarının əməkdaşları R.B.-ni təqsirləndirilən şəxs qismində “isti izlər”lə saxlayıblar.

İstintaq Cinayət Məcəlləsinin 126-cı prima maddəsinin 2-ci hissəsinin “b” yarımbəndi ilə aparılır” – Daxili İşlər Nazirliyinin məlumatında deyilir.