Kutaisidə qəsdən sağlamlığa ağır zərər vurulması faktı ilə bağlı polis iki nəfəri saxlayıb

Gürcüstanın Daxili İşlər Nazirliyinin İmereti Polis Departamentinin əməkdaşları qəsdən sağlamlığa ağır zərər vurma və cinayəti gizlətmə ittihamı ilə əvvəllər məhkum olunmuş iki nəfəri – 1991-ci il təvəllüdlü Ş.R. və 1993-cü il təvəllüdlü G.S.-ni saxlayıblar.
İstintaqla müəyyən edilib ki, təqsirləndirilən şəxs cari ilin 30 aprel tarixində Kutaisidə mübahisə zəminində ov tüfəngi ilə atəş açaraq 1985-ci il təvəllüdlü B.J.-ni yaralayıb və hadisə yerindən qaçıb.
Yaralı kişi daha sonra tibb müəssisəsində həyatını itirib.
Araşdırma zamanı həmçinin müəyyən olunub ki, hadisənin şahidi olan Ş.R.-nin yanında olan G.S. baş verənlər barədə hüquq-mühafizə orqanlarına məlumat verməyib.
“İsti izlər”lə keçirilən əməliyyat-axtarış tədbirləri və istintaq hərəkətləri nəticəsində hər iki şəxs şübhəli qismində saxlanılıb.
Cinayətdə istifadə edilən alət maddi sübut kimi götürülüb.
Faktla bağlı istintaq Gürcüstan Cinayət Məcəlləsinin 117-ci və 376-cı maddələri ilə aparılır ki, bu da 7 ilədək azadlıqdan məhrumetmə cəzasını nəzərdə tutur.