“Kürdüstan Fəhlə Partiyası” tərksilah prosesinə başlayır. 20-30 nəfərin iştirak edəcəyi simvolik mərasim İraqın Kürdüstan bölgəsində keçiriləcək.

“Kürdüstan Fəhlə Partiyası”nın döyüşçüləri silahları hansısa hökumətə təslim etmək deyil, yerə qoyub məhv etmək niyyətindədirlər.

Simvolik proses ciddi təhlükəsizlik ölçüləri fonunda keçirilir və bütün yay boyu davam edəcəyi gözlənilir.

Bundan əvvəl, Türkiyə Prezidenti Rəcəb Tayyib Ərdoğan bildirib ki, xarici ölkələr prosesə qarışmamalıdırlar.

Türkiyə, Avropa İttifaqı və Amerika Birləşmiş Ştatları tərəfindən “Kürdüstan Fəhlə Partiyası” tarixinin böyük bir hissəsində “terrorçu” qruplaşma kimi tanınıb. 1984-cü ildən 2024-cü ilə qədər kürdlərlə Türkiyə arasında baş verən qarşıdurmada 40 000-dən çox insan həyatını itirib. 1999-cu ildən Türkiyə həbsxanasında olan kürdlərin lideri Abdullah Öcalan videomüraciət yayıb və Türkiyə ilə döyüşün bitdiyini qeyd edib.