Rusiya Türkiyənin “Azov” batalyonunun komandirlərini Ukraynaya verməsini müqavilənin pozulması adlandırıb. Kremldə Moskvanın artıq Türkiyə ilə bu məsələni aydınlaşdırmağa başladıqlarını deyiblər.

Kremlin sözçüsü Dmitri Peskov qeyd edib ki, Moskva hadisə ilə bağlı açıqlamalar gözləyir və növbəti razılaşmalarda bunu nəzərə alacaq. Lakin Peskovun sözlərinə əsasən, vəziyyətin Türkiyədə qaz qovşağının yaradılması ilə heç bir əlaqəsi yoxdur.

Ötən ilin aprelin sonunda Rusiya ordusu Mariupoldakı “Azovstal” zavodunda iki mindən çox Ukrayna əsgərini və “Azov” döyüşçüsünü mühasirəyə alıb. Mayın ortalarından onlar təslim olmağa başladılar. Sentyabrda əsirlərin mübadiləsi nəticəsində 56 nəfər Ukrayna əsirliyindən azad edilib, 215 nəfər isə “Azov”un rəhbərləri də daxil olmaqla Ukrayna hakimiyyətinə təhvil verilib. Yaxın vaxtlara qədər “Azov” döyüşçüləri Türkiyədə idilər, bu da Rusiyanın tələbi idi. Ötən həftənin sonunda Ukrayna Prezidenti Volodimir Zelenski Türkiyəyə səfər edib və orada Rəcəb Tayyib Ərdoğanla danışıqlar aparıb. Kiyevə qayıdarkən Zelenski “Telegram” kanalında yazıb ki, onunla “Azov” döyüşçüləri – Denis Prokopenko, Svyatoslav Palamar, Serqey Volinski, Oleq Xomenko və Denis Şleqa da təyyarədə uçur.