Kote İoseliani sosial şəbəkədə video paylaşıb və orada “Gürcü Arzusu”nun qurucusu Bidzina İvanişvilinin oğlu Uta İvanişvilidən üzr istəyir.

“Mən bu videonu üzr istəmək üçün çəkirəm – bir neçə il əvvəl Uta İvanişvili ilə bağlı verdiyim bəyanata görə. Bu müddət ərzində daim Facebook paylaşımlarına rast gəlirdim, həmin məsələ müzakirə olunurdu. Uta İvanişviliyə səmimi-qəlbdən üzr istəyirəm, çünki bu, yalan idi və mən heç vaxt onun oriyentasiyası haqqında heç nə eşitməmişəm. Yeganə bildiyim budur ki, onu həmişə yaxşı xarakterizə edirlər, normal insandır və onun kişiliyi haqqında danışırlar. Mənim dediyim isə yalan idi və üzr istəmək heç vaxt gec deyil. Elə şərait yarandı ki, bu şəkildə danışmağa məcbur oldum. Həqiqətən də səmimi peşmanam və bir daha səmimi şəkildə Uta İvanişviliyə üzrümü bildirmək istəyirəm,” – deyə Kote İoseliani bildirib.