Bələdiyyə İnkişaf Fondunun tender komissiyası Tbilisidə yeni stadionun tikinti layihəsi ilə bağlı bu mərhələdə qalib şirkəti müəyyən edə bilməyib. Məlumatı Gürcüstanın İnfrastruktur Nazirliyi yayır.

Onların məlumatına əsasən, komissiyanın qiymətləndirməsinə görə, prosesin daha dolğun və rəqabətli olması üçün tender sənədinin, o cümlədən sifarişçinin tələbləri və kvalifikasiya meyarlarının yenidən nəzərdən keçirilməsi lazımdır.

“Tenderin kvalifikasiya meyarlarına yalnız bir iddiaçının cavab verməsi və onun təklifinin digər iştirakçıların qiymətləri ilə müqayisədə xeyli yüksək olmasına görə, komissiya qanunla verilmiş səlahiyyətindən istifadə edərək şərtlərin yenidən qiymətləndirilməsini və müvafiq dəyişikliklərin həyata keçirilməsini zəruri hesab edib” – İnfrastruktur Nazirliyi tərəfindən yayılan məlumatda deyilir.