Eksklüziv olaraq Birinci Kanal və Birinci Kanal İdman klublararası dünya çempionatının translyasiyasını tamaşaçıya təqdim edəcək. Bütün Gürcüstan miqyasında yayımçının bütün platformalarında – Birinci Kanal, Birinci Kanal İdman, Gürcüstan Radiosu və Birinci Kanalın striminq platforması 1tvplay-də oyunlara baxmaq və dinləmək mümkündür.

“Gürcüstanın Birinci Kanalı hər zaman olduğu kimi, böyük və ən mühüm idman tədbirlərini tamaşaçıya təqdim edir. Gürcü tamaşaçı klublararası dünya çempionatını xüsusilə gözləyir, bütün ay ərzində ictimaiyyət oyunlara eksklüziv olaraq bütün platformalarımızda baxa biləcək” – Birinci Kanalın baş direktoru Tinatin Berdzenişvili bildirib.

Klublararası dünya çempionatı bu il iyunun 15-dən iyulun 13-dək Amerika Birləşmiş Ştatlarında keçiriləcək.

2025-ci ildə çempionat yeni genişləndirilmiş formatda ilk dəfə keçiriləcək. Turnirdə FIFA-nın altı konfederasiyasından – Afrika, Asiya, KONKAKAF, KONMEBOL, Okeaniya və UEFA-dan 32 komanda iştirak edəcək.