Kiyevə Rusiyanın hücumu nəticəsində səkkiz nəfər yaralanıb, Dneprovski rayonunda isə çoxmərtəbəli yaşayış binasına ziyan dəyib

Ötən gecə Kiyevə Rusiyanın həyata keçirdiyi hücum nəticəsində səkkiz nəfər xəsarət alıb. Dneprovsk rayonunda isə çoxmərtəbəli yaşayış binasına ziyan dəyib.
Ukrayna mediasının məlumatına görə, hücum nəticəsində Dneprovsk rayonunda doqquzmərtəbəli yaşayış binasında yanğın baş verib.

Məlumata əsasən, xilasedicilər yeddi nəfəri xilas edə bilib, daha yeddi nəfər isə tibbi yardım göstərilməsi üçün təcili tibbi yardım avtomobilləri ilə xəstəxanaya aparılıb.

Medianın məlumatına görə, Obolonsk rayonunda da düşmənin hücumu nəticəsində anbar ərazisində yanğın baş verib.

Bununla yanaşı, Ukrayna Dövlət Fövqəladə Hallar Xidmətinin məlumatına görə, ötən gecə Zaporojyeyə Rusiyanın pilotsuz uçuş aparatları ilə həyata keçirdiyi hücum nəticəsində ana və oğlu xəsarət alıb.