Kit Keloqi bildirir ki, Ukrayna Rusiya tərəfindən işğal olunmuş əraziləri de-yure yox, de-fakto güzəştə getməyə hazırdır

ABŞ Prezidentinin Ukrayna məsələləri üzrə xüsusi nümayəndəsi Kit Keloqi bildirir ki, Ukrayna Rusiya tərəfindən işğal olunmuş əraziləri de-yure yox, de-fakto güzəştə getməyə hazırdır. Keloqi bu barədə “Fox News”a müsahibəsində deyib.

Müsahibədə Keloqi keçən həftə Londonda keçirilən, avropalıların və ukraynalıların iştirak etdiyi görüşlərdən danışıb.

“Bizim 22 konkret şərtimiz var idi, onlarla razılaşdılar. Onların tələb etdiyi və malik olduqları budur. Onların istədikləri ilk şey sülh sazişi imzalanana qədər hərtərəfli və daimi atəşkəsdir. Mən burada hərtərəfli dəniz, hava və quru infrastrukturunu nəzərdə tuturam – ən azı 30 gün müddətinə” – Keloqi bildirib.

O bildirib ki, 30 sutka vacibdir, çünki bu, Donald Trampın can atdığı qətllərin dayandırılmasına kömək edəcək.

Rusiyanın zəbt etdiyi Ukrayna ərazilərini almaq istəyi ilə bağlı suala, Keloqi cavab verib ki, Ukrayna ərazini de-yure, daimi əsasda yox, mövcud vəziyyətə və hərbi əməliyyatların faktiki xəritəsinə uyğun olaraq de-fakto güzəştə getməyə razılaşıb.

“Ukraynalılar Rusiyanın zəbt etdiyi ərazilərdən de-yure, daimi yox, de-fakto imtina etməyə hazırdırlar. Çünki ruslar faktiki olaraq bu torpağı işğal ediblər. Onlar bunu mənə ötən həftə dedilər. Onlar anlayırlar ki, atəşkəs rejimi bərqərar olacağı təqdirdə bütün tərəflər tutduqları mövqelərində qalacaqlar. Ukraynalılar məhz buna hazırdırlar” – Keloqi bildirib.