Kir Starmer – Tramp qlobal söhbəti dəyişdi və imkan yaratdı

 
Kiyevdə toplaşan dünya liderləri qarşısında onlayn çıxış edən Böyük Britaniyanın Baş naziri ABŞ-nin Prezidenti Donald Trampın son vaxtlardakı bəyanatlarının “qlobal söhbəti dəyişdiyini” və “imkan yaratdığını” bildirib.

“Biz sülh prosesi üçün kollektiv qüvvələrimizi səfərbər etməliyik. Prezident Tramp son həftələr ərzində qlobal söhbəti dəyişdi və bu, imkan yaradır” – Starmer bildirib.

Həmçinin, Starmer Kiyevdə keçirilən Ukraynaya dəstək tədbirində bildirib ki, davamlı sülh üçün Ukraynanın danışıqlar masasında təmsil olunması vacibdir.

“İndi əsas məsələləri düzgün etməliyik. Əgər biz sülhün davamlı olmasını istəyiriksə, Ukrayna danışıqlar masası arxasında yer almalıdır və istənilən razılaşma güclü təhlükəsizlik zəmanətlərinə malik olan suveren Ukraynaya əsaslanmalıdır” – Starmer bildirib.

Starmer əvvəlki təklifini təkrarlayıb ki, Böyük Britaniya istənilən sülh sazişinin bütövlüyünü qorumaq üçün Ukraynaya sülhməramlı qüvvələr yerləşdirməyə hazırdır.

“Böyük Britaniya bunu digər avropalılarla birlikdə və düzgün şərtlərlə yerində qoşunları ilə dəstəkləməyə hazırdır və bunu istəyir. Sonda, ABŞ-nin dəstəyi Rusiyanı bir neçə ildən sonra növbəti işğaldan çəkindirmək üçün həyati əhəmiyyət kəsb edəcək” – Britaniyanın Baş naziri bildirib.