Putin özünə və xalqına nə desə də, Rusiya qalib gəlmir. Son bir il ərzində Rusiya Ukrayna ərazisinin bir faizindən az hissəsini ələ keçirmək və işğal etmək üçün yarım milyon insan itirib. Rusiya dörd illik münaqişədən sonra qalib gələn ölkə deyil – bu haqda Britaniyanın Baş naziri Kir Starmer Kiyevdə “İstəklilər Koalisiyası”nın görüşündə çıxışı zamanı deyib.

O bildirib ki, Rusiya ilə Ukrayna arasında sülh danışıqlarının davam etməsinə baxmayaraq, bu, Putinin dayanacağı mənasına gəlmir, bu səbəbdən də Ukraynanın müttəfiqləri rahatlamamalıdırlar.

“Biz Ukraynanın özünü müdafiə etməsinə kömək etməyə davam etməliyik. Danışıqlar getdiyi üçün bunun bir şəkildə Ukraynanın özünü müdafiə etməsinə kömək etməli olmayacağımız mənasına gəldiyini düşünməməliyik. Biz bilirik ki, Putin ləngiyir. Biz bilirik ki, danışıqlara gəlincə, bu danışıqlarda irəliləyişin qarşısını alan bir nəfər var və o Putindir, yalnız Putin” – Kir Starmer bildirib.

Məlumat üçün bildirək ki, Rusiyanın Ukraynaya hücumundan və müharibənin başlamasından dörd il ötür. Avropa ölkələrinin liderləri bu gün Kiyevə gediblər və bir daha Ukraynaya dəstəklərini ifadə ediblər.