Çin Prezidenti Si Cinpinlə görüş zamanı Birləşmiş Krallığın Baş naziri Kir Starmer Çinlə “daha incə münasibətlər” qurmaq istədiyini bildirib.

Starmerin sözlərinə görə, Çin qlobal arenada həyati əhəmiyyətli oyunçudur.

“Çin qlobal arenada həyati əhəmiyyətli oyunçudur və bizim daha incə münasibətlər qurmağımız vacibdir. Bu münasibətlər çərçivəsində əməkdaşlıq edə bilməliyik, lakin eyni zamanda fikir ayrılıqlarımızın olduğu sahələrdə də məzmunlu dialoq aparmalıyıq”, – deyə Starmer qeyd edib.

Öz növbəsində, Si Cinpin baş nazirin səfərini “xoş niyyətin əlaməti” kimi qiymətləndirib və ölkələr arasında daha çox dialoqun zəruri olduğunu vurğulayıb. Si Cinpinin sözlərinə görə, Böyük Britaniya ilə əlaqələr “dönüş nöqtəsi yaradan dəyişikliklər” yaşayıb və bu, heç bir ölkənin maraqlarına xidmət etməyib. Çin Böyük Britaniya ilə uzunmüddətli strateji tərəfdaşlığın inkişafına hazırdır.

“Yaxşı işlər çox vaxt zaman və səy tələb edir. Nə qədər ki, bu, ölkələrimizin və xalqlarımızın fundamental maraqlarına xidmət edir, biz uzunmüddətli baxışa sahib olmalıyıq. Çin Böyük Britaniya ilə uzunmüddətli və ardıcıl strateji tərəfdaşlığı inkişaf etdirməyə hazırdır”, – deyə Si Cinpin bildirib.

Qeyd edək ki, bu, səkkiz il ərzində Böyük Britaniyanın baş naziri ilə Çin prezidentinin ilk görüşüdür.