Əgər atəşkəsə nail olunarsa, o zaman bu, uzunmüddətli olacaq və pozulmayacaq, çünki keçmiş təcrübədən irəli gələrək, mən Putinə etibar etmirəm – bu barədə Böyük Britaniyanın Baş naziri Kir Starmer deyib.

O bildirib ki, Rusiyaya təzyiqin geniş vasitələri olmalıdır, o cümlədən sanksiyalar şəklində.

“Bir neçə ölkənin rus enerjisindən çox asılı olması Avropa üçün çağırışdır. Böyük Britaniya Rusiyadan demək olar ki, heç nə almır, lakin biz avropalı həmkarlarımızla işləməliyik. Enerji məsələsinə yenidən baxmalı olan bir-iki ölkə var. Lakin, burada deyim ki, Rusiyaya təsir edəcək bir “gümüş güllə” yoxdur. Bizim bir neçə dəfə tətbiq etdiyimiz daha geniş sanksiyalarımız olmalıdır. Avropa miqyasında və ABŞ-la işləməliyik. Biz elə indi Ukraynanın bütün güclü mövqedə olmasını təmin etməliyik. Aydındır ki, biz atəşkəs istəyirik və atəşkəsdən sonra nələrin baş verə biləcəyindən danışarkən unutmamalıyıq ki, Ukrayna bu gün bizim dəstəyimizə ehtiyac duyur. Biz əvvəldən sona qədər Ukraynanın yanında olduğumuzu dedik. Bu isə o deməkdir ki, biz onlara Rusiyanın təcavüzünün nəticəsi olan bu müharibədə mübarizə aparmaq üçün lazım olanları verməyə davam etməliyik. Əgər atəşkəsə nail olunarsa və mən buna böyük ümid bəsləyirəm, o zaman atəşkəs uzunmüddətli olacaq və o, pozulmayacaq, çünki keçmiş təcrübədən irəli gələrək, mən Putinə etibar etmirəm” – Starmer bildirib.