Xarici ölkənin universitetlərindən Gürcüstanda təhsilini davam etdirmək istəyən tələbələr üçün imtahan fevralın 4-də keçiriləcək. Bu haqda məlumatı Qiymətləndirmə və İmtahanlar Milli Mərkəzi yayır.

Mərkəzin məlumatına əsasən, test oxuduğunu anlama, məntiqi və kəmiyyət müzakirə komponentlərini əhatə edir və elektron formatda Qiymətləndirmə və İmtahanlar Milli Mərkəzində keçiriləcək.

“İmtahanın məqsədi xaricdə ən azı bir semestr ərzində təhsil almış və təhsilini Gürcüstanın ali təhsil müəssisələrində davam etdirmək istəyən tələbələrin akademik hazırlığını qiymətləndirməkdir.

İmtahan obyektiv və standartlaşdırılmış qiymətləndirmə üçün vacib mexanizmdir, bu isə namizədlərin təhsil prosesində bərabər iştirakını və yüksək akademik standartlara riayət olunmasını təmin edir.

Qiymətləndirmə və İmtahanlar Milli Mərkəzi Gürcüstanda təhsilini davam etdirmək istəyənlər üçün imtahanı 2019-cu ildən ildə bir neçə dəfə keçirir.

Beynəlxalq standartlara uyğun obyektiv və şəffaf test sistemi həm tələbələrin peşəkar inkişafına, həm də ölkənin təhsil sisteminin gücləndirilməsinə kömək edir.

Ərizəçilər testdə iştirak etmək üçün Qiymətləndirmə və İmtahanlar Milli Mərkəzinə (ünvan: Tbilisi şəhəri, E. Mindeli küçəsi №9) gəlməlidirlər.

Qeydiyyat saat 13:00-da, imtahan isə saat 14:00-da başlayacaq.

İmtahana gecikmə halında, namizəd testə artıq buraxılmayacaq. İmtahan iştirakçısı özü ilə şəxsiyyətini təsdiq edən sənəd və ya pasport gətirməlidir. Qiymətləndirmə və İmtahanlar Milli Mərkəzi ərizəçiləri test tapşırığı üzərində işləyərkən müvafiq ləvazimatlarla (qələm, kağız və s.) təmin edir.

İmtahan testinin nümunəsi

Test elektron formatda keçirilir. Avtorizasiyadan keçdikdən sonra ekranda 3 hissədən ibarət imtahan testi görünəcək:

– Oxuduğunu anlama;
– Məntiqi müzakirə;
– Kəmiyyət müzakirəsi.

Hər hissədə 15 çoxseçimli test tapşırığı var. Müvafiq olaraq, test ümumilikdə 45 çoxseçimli test tapşırığından ibarətdir. Hər bir tapşırığın 5 ehtimal olunan cavabı var və onlardan yalnız biri düzgündür. Hər düzgün cavab 1 balla qiymətləndirilir, səhv cavab isə 0 balla qiymətləndirilir.

İmtahandan uğurla keçmək test üçün müəyyən edilmiş maksimum balın 50%-dən çoxunu (ən azı 23 bal) toplamaq deməkdir. Test müddəti 2 saat 30 dəqiqədir. Sonuncu, 45-ci tapşırığa cavab verilsin və ya verilməsin, “sonrakı” düyməsini basdıqda ekranda testin tamamlandığı barədə bildiriş görünəcək. Bildirişdə tapşırıqların ümumi sayından neçə tapşırığın cavablandırıldığı qeyd olunub. “Bitir” düyməsini basdıqdan sonra ekranda testin tamamlandığı barədə məlumat görünəcək.

İmtahan proseduru üçün müəyyən edilmiş qaydaların pozulması halında, imtahan verən şəxs imtahan günü saat 20:00-dək mərkəzə şikayət ərizəsi təqdim etmək imkanına malikdir.

İştirakçılar nəticələri imtahan günü təqdim ediləcək xüsusi şifrə ilə mərkəzin veb-səhifəsində – www.naec.ge -də görə biləcəklər.

İmtahana qeydiyyatdan keçmiş tələbələrin diqqətinə!

Qiymətləndirmə və İmtahanlar Milli Mərkəzi yaxın günlərdə sınaq testini onlayn rejimdə keçirəcək; bu zaman ərizəçilər heç bir qiymətləndirmə aparılmadan sistemlə tanış ola biləcəklər.

Qiymətləndirmə və İmtahanlar Milli Mərkəzi yenilənmiş məlumatı rəsmi “Facebook” səhifəsi və veb-səhifəsində mərhələli şəkildə yerləşdirəcək” – Qiymətləndirmə və İmtahanlar Milli Mərkəzinin yaydığı məlumatda deyilir.