Gürcüstanın Xarici İşlər Nazirinin müavini Laşa Darsalia Vaşinqtonda işgüzar səfəri çərçivəsində ABŞ Ticarət Nazirliyində görüş keçirib.

Gürcüstan Xarici İşlər Nazirliyinin məlumatına görə, Darsalia Ticarət və İnvestisiya məsələləri üzrə Ticarət Nazirinin müavini Uilyam Kimit və Sənaye və Təhlükəsizlik məsələləri üzrə Ticarət Nazirinin müavini Ceffri Kesler ilə görüşüb.

“Görüşdə ABŞ-da Gürcüstanın fövqəladə və səlahiyyətli səfiri Tamar Taliaşvili də iştirak edib. Tərəflər Gürcüstan–ABŞ tərəfdaşlığının inkişafını nəqliyyat-logistika, regional ticarət, rəqəmsal texnologiyalar, süni intellekt və innovasiyalar sahələrində müzakirə ediblər. Həmçinin mövcud infrastruktur layihələri və gələcək əməkdaşlıq perspektivləri müzakirə olunub. Diqqət Gürcüstanın Orta Dəhlizin inkişafındakı roluna yönəldilib. Bu kontekstdə tərəflər yüksək texnologiyalar sektorunda ABŞ investisiyalarının qoyulmasına hazırlıq məsələsini müzakirə ediblər”, – deyə Xarici İşlər Nazirliyinin yaydığı məlumatda bildirilir.