“İndiyədək belə mövqeyi saxlayırდით ki, Gürcü xalqına vizaliberallaşmanın ləğvi ilə zərər vurmaq istəmirik, çünki bu, əslində onlara təsir edəcək” – bunu Avropa İttifaqının Xarici Siyasət və Təhlükəsizlik üzrə Ali Nümayəndəsi Kaya Kallas Aİ Xarici İşlər Nazirləri Şurasının iclasından sonra keçirilən mətbuat konfransında bildirib.
Kallasa o məktub haqqında sual verildi ki, onun dediyinə görə, Gürcüstan hökumətinə göndəriləcək. Media məktubun məzmunu ilə və növbəti addımın nə ola biləcəyi ilə maraqlandı.
“O bildiyiniz kimi, Gürcüstanla 2017-ci ildən etibarən vizasız rejim mövcuddur. Bu, Avropa İttifaqının verdiyi böyük bir üstünlükdür. Bununla əlaqədar olaraq Gürcüstanın yerinə yetirmədiyi tövsiyələr var və bu tövsiyələr vizaliberallaşma ilə bağlı 7-ci qiymətləndirmə hesabatında göstərilib. Onların hər birini indi burada oxumayacağam, amma birinə xüsusi vurğu etmək üçün qeyd edim – Gürcüstan hökuməti öz üzərinə öhdəlik götürür ki, Gürcüstan vətəndaşlarının fundamental hüquqlarının qorunmasını təmin etsin. Bu hüquqlara assosiasiya, toplaşma və ifadə azadlığı, şəxsi həyatın toxunulmazlığı, ictimai fəaliyyətdə iştirak hüququ və diskriminasiyaya qarşı müdafiə daxildir. Bu, cəmi bir bənddir, ümumilikdə belə səkkiz bənd mövcuddur. Əgər bu tövsiyələrin yerinə yetirilməsi üçün Gürcüstan hökumətinə avqustun sonuna qədər vaxt verilibsə, o zaman sual yaranır – əgər bu tövsiyələr yerinə yetirilməzsə, bizim cavabımız nə olacaq? Və əgər eşidirik ki, müxalifətin səkkiz liderindən yeddisi həbs edilib, bu, az əvvəl qeyd etdiyim maddə ilə uyğun gəlmir.
İndiyədək biz belə mövqeyi saxlayırdıq ki, Gürcü xalqına vizasız rejimin ləğvi ilə ağrı vermək istəmirik, çünki bu, əslində onlara təsir edəcək. Bununla yanaşı, bu məsələ həm də Avropa İttifaqının etibarlılığı ilə bağlıdır. Əgər biz bu ölkəyə müəyyən üstünlüklər və bonuslar veririk, amma o, şərtləri yerinə yetirmirsə, bu halda bunun nəticəsi də olmalıdır ki, cəmiyyət görsün – hökumət Avropa yolunda deyil və Aİ-yə namizəd statusunu ciddi qəbul etmir,” – deyə Kaya Kallas bildirib.
