Kanadanın Liberal Partiyasının yeni lideri üçün keçirilən seçkilərdə Mark Karni qalib gəlib

 
Kanadanın Liberal Partiyasının yeni lideri üçün keçirilən seçkilərdə Mark Karni qalib gəlib. O, baş nazir postunda Castin Trüdonu əvəz edəcək.

Karni ABŞ-nin Prezidenti Donald Trampla ticarət müharibəsində qalib gələcəyinə söz verib. “Ticarətdə, xokkeydə olduğu kimi, Kanada qalib gələcək” – Karni bildirib.

Kanada və İngiltərə Mərkəzi Bankının sabiq idarəçisi Liberal Partiyasının liderlik mübarizəsində üç rəqibini məğlub edib və 85,9% səs qazanıb.

Seçkilərdə qalib gəldikdən sonra Karni çıxışının böyük hissəsini Trampı tənqid etməyə həsr edib və Kanadanın heç vaxt Amerikanın bir hissəsi olmayacağını qeyd edib.

Castin Trüdo rəsmən istefa verdikdən sonra Karni yaxın günlərdə baş nazir kimi and içəcək. Liberal Partiyasının liderliyi uğrunda mübarizə yanvarda Castin Trüdonun təxminən on illik idarəçilikdən sonra istefa verməsindən sonra başlayıb.