Kamala Harris – Qəzzada müharibəni bitirmək, girovları qaytarmaq, İsrailin təhlükəsizliyini təmin etmək üçün hər şeyi edəcəyəm

 
Qəzzada müharibəni bitirmək üçün hər şeyi edəcəyəm – bu haqda Amerika Birləşmiş Ştatlarının vitse-prezidenti və prezidentliyə demokrat namizəd Kamala Harris deyib.

Harris bu bəyanatı Miçiqanda tərəfdarları ilə görüşü zamanı verib.

“Qəzzada ölüm və dağıntıların miqyası, mülki itkiləri və Livanda məcburi köçkünləri nəzərə almaqla bu il çətin oldu. Bu, dağıdıcıdır və prezident kimi Qəzzada müharibəni bitirmək, girovları qaytarmaq, Qəzzada iztirabları bitirmək, İsrailin təhlükəsizliyini və Fələstin xalqının azadlıq, təhlükəsizlik və öz müqəddəratını təyinetmə hüququnu təmin etmək üçün əlimdən gələn hər şeyi edəcəyəm” – Harris bildirib.