Gürcüstanın Daxili İşlər Nazirliyinin Kaxeti Polis Departamentinin Lagodexi Rayon İdarəsinin əməkdaşları 2006-cı il təvəllüdlü N.G. və 2007-ci il təvəllüdlü N.M.-i saxlayıblar. Onlar qrup şəklində tələb etmə, qəsdən şəxsi həyatın gizliliyinə hörmətsizlik və intihara yönəltmə ittihamı ilə məsuliyyət daşıyırlar.

DİN-in məlumatına görə, aparılmış istintaq zamanı müəyyən edilib ki, təqsirləndirilənlər ötən ilin yayında 1994-cü il təvəllüdlü G.G.-yə pul tələb etmək məqsədilə onun şəxsi həyatına aid foto və video materialları sosial şəbəkələrdə yaymışlar. Bu hadisədən qısa müddət sonra G.G. həyatına son verib.

“Ətraflı keçirilmiş əməliyyat tədbirləri və istintaq hərəkətləri nəticəsində hüquq-mühafizə orqanları N.G. və N.M.-i təqsirləndirilənlər kimi saxlayıblar.

İstintaq Cinayət Məcəlləsinin 181-ci, 157-1-ci və 115-ci maddələri üzrə davam edir ki, bu da 9 ilədək həbs cəzasını nəzərdə tutur”, – deyə DİN-in məlumatında qeyd olunub.