Kaxa Kaladze – Xarici medianın haradan idarə olunduğunu hamımız yaxşı bilirik, bizim cavabımız ölkənin hər tərəfli inkişaf etməsi və irəli getməsidir

Tənqid, o cümlədən xarici media tərəfindən gələn tənqidə cavabımız çox sadədir – ölkədə sülh var, iqtisadi cəhətdən irəliləyirik və inkişaf edirik – bu barədə paytaxtın meri Kaxa Kaladze danışıb.

Fransanın “Le Monde” nəşrinin Gürcüstandakı etiraz aksiyalarının və gürcü hakimiyyətinin tənqidinə dair məqaləsini necə qiymətləndirəcəyi ilə bağlı jurnalistin sualına cavab olaraq Kaxa Kaladze bütün bunların necə idarə olunduğunu yaxşı bildiyini deyib.

“Məni onların qiymətləndirmələri ümumiyyətlə maraqlandırmır, çünki mən də, gürcü xalqının əksəriyyəti də bütün bunların necə idarə olunduğunu çox yaxşı bilirik.

Bütün bunlara cavabımız çox sadədir – ölkədə sülh var, iqtisadi cəhətdən irəliləyirik, inkişaf edirik. Bizim üçün prinsipial olaraq vacib olan məhz bu hissədir ki, ölkə mütləq şəkildə bütün parametrlər üzrə irəli gedir. Aydındır ki, çağırışlar mövcuddur, lakin biz bundan çəkinmirik. Biz ölkənin daha da güclənməsi və əhalimizin rifahı daha çox hiss etməsi üçün növbəti illərdə nə edilməli olduğunu, hansı addımların atılmalı olduğunu çox yaxşı bilirik” – Kaxa Kaladze bildirib.