“Gürcü Arzusu”nun Tbilisi merliyinə namizədi Kaxa Kaladze bu gün “Gürcü Arzusu-Demokratik Gürcüstan”ın Saburtalo, Vake, Samqori, Krtsanisi və Mtatsminda rayonlarının partiya təşkilatının nümayəndələri ilə görüşlər keçirib.

Seçkiqabağı prosesdən, paytaxtda cari və planlaşdırılan layihələrdən, gələcək planlardan söhbət açılıb.

Kaxa Kaladze “Gürcü Arzusu”nun üzvlərinə həm partiya fəaliyyətlərinə, həm də ölkənin inkişafına verdikləri töhfəyə görə təşəkkür edib.

“Biz bu ölkənin sıravi əsgərləriyik, onun maraqlarına xidmət edirik. Təbii ki, Gürcüstanın ağalara və öz maraqlarını təlqin edənlərə yox, gürcü xalqının seçiminə, ölkənin suverenliyinə hörmət edən tərəfdaşlara, dostlara ehtiyacı var. Təbii ki, bizim kimi hər kəsin öz strateji marağı var və Gürcüstanın inkişafı üçün nəyin lazım olduğunu dəqiq bilirik. Bu uzunmüddətli inkişaf, kimliyimizin qorunması və inkişafıdır. Bizim görməmiz gərəkən işi başqası görməyəcək, özümüz bunun qayğısına qalmalıyıq və ölkəmizin gələcəyi üçün möhkəm zəmin yaratmalıyıq. “Gürcü Arzusu”nun Bidzina İvanişvilinin rəhbərliyi ilə malik olduğu kurs davam edəcək. Sülh inkişaf, tərəqqi gətirir və bu siyasət davam edəcək” – Kaxa Kaladze görüşlərdə qeyd edib.

Partiya ofislərində keçirilən görüşlərdə “Gürcü Arzusu”nun Tbilisi Şəhər Məclisində majoritarlığa namizədləri iştirak ediblər.