Paytaxtın meri Kaxa Kaladze bildirir ki, bəzi müxalifət partiyaları tərəfindən sentyabrın 13-nə elan edilmiş etiraz aksiyası və viza rejiminin liberallaşdırılması məsələsi avropalı bürokratların Gürcüstana və gürcü xalqına qarşı malik olduğu son silahdır.

Onun sözlərinə əsasən, bundan əvvəl namizəd statusu var idi, ondan istifadə etməklə də inqilab təşkil etməyə çalışdılar və heç nə alınmadı.

“Bu, bu avropalı bürokratların Gürcüstana və gürcü xalqına qarşı malik olduğu son silahdır. Yadınızdadır, ondan əvvəl namizəd statusu var idi, inqilab təşkil etməyə çalışdılar, sadə mesajları var idi və heç nə alınmadı. İndi də eyni şeyi təkrarlayırlar, sanki bizim nə əlaqəmiz var və Gürcüstan hakimiyyətindən soruşun deyirlər. Reallıq isə budur ki, Gürcüstan bunu və ya onu etməlidir deyə səslənən tələblər və mesajların viza rejiminin liberallaşdırılması və Avropaya inteqrasiya ilə bağlı proseslə heç bir əlaqəsi yoxdur. Bu, ədalətsiz, böhtan xarakterli və əlbətdə, yalanlarla doymuş siyasi motivli bəyanatlardır. Bugünkü avropalı bürokratiya budur” – Kaxa Kaladze bildirib.

Onun sözlərinə əsasən, Gürcüstana qarşı düşmənçilik narativi və ekstremizmin maliyyələşdirilməsi üçün daxil olan vəsaitlər olmasaydı, FARA olaraq bilinən qanunun qəbuluna ehtiyac qalmazdı.

“FARA olaraq bilinən qanunla kim sıxışdırıldı? Bəzi Avropa ölkələrindən, Avropanın yüksək rütbəli məmurlarından, guya xeyirxah işlər kimi qələmə verilmiş, əslində isə ölkədə inqilabları və çevrilişləri maliyyələşdirən təşkilatlardan gələn düşmənçilik narativi olmasaydı, bu qanunun qəbulu zərurəti gündəmə gəlməzdi. Əslində vəsaitlər ekstremizmin maliyyələşdirilməsinə, inqilabların təşkilinə, qütbləşməyə, cəmiyyətin parçalanmasına və qarşıdurmalara yönəldilirdi” – Tbilisinin meri bildirib.