Gürcüstanda hər şey göz qabağındadır, burada “Akatsuks” qruplaşması var, zorakılıq edənlər gündəlik olaraq bu ölkənin vətəndaşlarını təhqir edirlər. Onların hərəkətlərini çəkin və göstərin və paralel aparmaq da çox sadədir – bu barədə Tbilisinin meri Kaxa Kaladze jurnalistlərə deyib.

Media nümayəndələri Kaladzeyə ABŞ Prezidenti Donald Trampın “Antifa” hərəkatını terror təşkilatı elan etmək qərarı ilə bağlı sual veriblər və Gürcüstanda da oxşar qərarın qəbul edilməsinin mümkün olub-olmaması ilə maraqlanıblar, Kaladze buna belə cavab verib:

“Bilmirəm, görək. Biz dəfələrlə danışmışıq və bəyanatlar vermişik ki, ölkədə olan bu zorakı qruplar kənardan qidalanır, kənardan maliyyələşir. Tam məsuliyyətlə, 110-150 faiz əminliklə deyirəm ki, onları kənardan təşviq edirlər. Bütün bunlarda xarici diplomatlar iştirak edir, ola bilsin, səfirlərin timsalında da, onların bəyanat və əməllərini bilirsiniz. Ona görə də buna hər şəkildə son qoymağımız vacibdir” – Kaxa Kaladze bildirib.

O, diplomatların ölkənin daxili siyasi işlərinə kobud şəkildə müdaxilə etməsinin böyük təhqir olduğunu deyib.

“Bu, çox böyük təhqirdir. Fəaliyyət imkanı müəyyən edilmiş diplomatın başqa bir ölkənin daxili siyasi işlərinə müdaxilə etməyə heç bir haqqı yoxdur. Ekstremizmi, nifrəti, mövcud olan hər şəri təşviq etmək daha da faciəlidir. Gördüyümüz odur ki, bu nifrət, bu zorakı qruplar, hər şey kənardan maliyyələşir” – Kaladze qeyd edib.