Kaxa Kaladze – Guya anti-Rusiya bəyanatları ilə kifayətlənənlərin hamısı riyakardır
Paytaxtın meri Kaxa Kaladzenin bəyanatına əsasən, bu gün müxalif əhvali-ruhiyyəli şəxslərin guya anti-Rusiya bəyanatları verməsi əslində ikili standartdır. Kaladze bu barədə media ilə danışıb.
Jurnalistin müğənni Qiorqi Uşikişvilinin öz mehmanxanasında guya rus turistləri qəbul etmədiyi açıqlamasına, lakin “Kronika”nın jurnalist eksperimentinin əksini sübut etməsi ilə bağlı sualına, Kaxa Kaladze bunun riyakarlıq olduğunu deyib.
“Guya anti-Rusiya bəyanatları ilə kifayətlənənlərin hamısı adi riyakarlardır. 2008-ci il müharibəsindən sonrakı dövrü xatırlayın. Əraziləri, qəhrəman əsgərləri, dinc əhalini itirdik, infrastruktur məhv edildi. Bundan daha ağır nə ola bilər ki? Bundan sonra necə bəyanatlar verdikləri yadınızdadır elə deyilmi? Birbaşa Lars sərhəd-keçid məntəqəsində rusları əllərində qızılgül və bənövşələrlə qarşılayır, onları ölkəyə gəlməyə çağırırdılar. Məhz həmin vaxt bizneslərin Rusiya dövlət şirkətlərinə satılması baş verirdi.
O zaman xarici sahibləri onlara bu cür addımlar atmağı tapşırırdılar. Bu gün xarici sahiblərinin tapşırığı dəyişib və müvafiq olaraq başqa tipli mesajlar yayırlar. Bu, adi ikili standartdır və hamı öz maraqlarından çıxış edərək hərəkət edir” – Tbilisinin meri qeyd edib.
Məlumatı Tbilisi Meriyası yayır.