“Böyük təşəkkür dəstəyə və yanında olmağınıza görə. Paytaxtın meri kimi sizə söz verirəm ki, bu hörməti və sevgini görülmüş işlərlə qaytaracağam,” – bunu Tbilisinin meri Kaxa Kaladze bəyan edib.

Kaladzenin sözlərinə görə, sabahdan etibarən şəhər üçün mühüm olan layihələrin həyata keçirilməsi başlayacaq.

“Salamlayıram sizi, mənim silahdaşlarım, salamlayıram Tbilisini, tbilisliləri. Hamınızı bu möhtəşəm qələbə münasibətilə təbrik edirəm, bütün Gürcüstanı təbrik edirəm. Bu, ləyaqətli gürcülərin vətəni olmayan agentura nümayəndələrinə daha bir cavabıdır. Sülh Gürcüstana, daha çox xeyir Tbilisiyə. Biz çox danışdıq ki, dünyada baş verənlər, mövcud çağırışlar fonunda sülhün qorunması nə qədər vacibdir. Hamımız anlayırıq ki, ölkəmizdə baş verənlər təsadüfi deyil. Çoxlu təhqirlər, böhtanlar, hədələr olsa da, biz möhkəm siyasətimizlə ölkənin maraqlarını qoruyuruq.

İnsanı minnətdarlığımı bildirmək istəyirəm, qürur duyuram ki, Bidzina İvanişvilinin silahdaşıyam. Ona minnətdarlığımı bildirmək istəyirəm. Bu gün ölkəmizdə uzunmüddətli sülh hökm sürürsə, bu, onun uzaqgörənliyi, möhkəm xarakteri və münasibəti sayəsindədir. Həmçinin onun rəhbərliyi ilə həyata keçirdiyimiz siyasət sayəsindədir. Baş nazir İrakli Kobaxidzeyə – dostuma, dəstəyinə və yanında olmasına görə təşəkkürümü bildirirəm. Bizim gücümüz ondadır ki, bir böyük ailəyik. Parlamentin sədri Şalva Papuashviliyə də təşəkkürümü bildirirəm. Tbilisi seçki qərargahının rəhbəri Levan Maçavarianiyə təşəkkürümü bildirirəm. Xüsusi təşəkkür sizlərə, mənim silahdaşlarıma, bizim tərəfdarlarımıza. Məhz sizin dəstəyinizlə çox mühüm qələbəyə nail ola bildik.

Sabahdan etibarən şəhər üçün vacib olan layihələrin həyata keçirilməsinə başlayırıq. Bütün kampaniya boyu real baxışa malik yeganə komanda biz idik. Konkret layihələrdən, görüləcək işlərdən, mövcud çətinliklərdən danışırdıq. Paytaxtda hansı problemlərin olduğunu da gizlətmirdik. Biz dəqiq bilirik ki, Tbilisinin nəyə ehtiyacı var və dörd ildən sonra necə olmalıdır. Böyük təşəkkürlər ki, yanımızda oldunuz, bizi dəstəklədiniz. Paytaxtın meri kimi sizə söz verirəm ki, bu hörməti və sevgini görülmüş işlərlə, çox möhtəşəm layihələrlə qaytaracağam. Uğurlar və qələbələr ölkəmizə. Yaşasın Tbilisi! Yaşasın qələbəmiz! Tanrı bütün Gürcüstanın hami və qoruyucusu olsun,” – deyə Kaladze bildirib.