Tbilisinin meri Kaxa Kaladze hesab edir ki, “Qaxaria Gürcüstan Naminə” partiyasının nümayəndələri parlamentdə mandatlarından istifadə ilə bağlı düzgün qərar qəbul ediblər.

Müvafiq suala cavab olaraq dediyi kimi, parlamentə gürcü xalqı legitimlik verib.

“Əlbəttə, Qaxarianın partiyası parlamentə legitimlik verə bilməz. Gürcü xalqı ona legitimlik verir, gürcü xalqı isə artıq “Gürcü Arzusu – Demokratik Gürcüstan”a, parlamentə legitimlik verib. Konkret partiyaya gəlincə, çox yaxşı qərardır. Müxalifət spektrinə və o xain agenturaya nəzər salsaq, yenə ən ağıllı bunlar çıxdılar – nəsə təhlil, qiymətləndirmələr apardılar və parlamentə daxil olmamaqla bağlı verilmiş qərarın axmaqlıq olduğunu başa düşdülər. Əlbəttə, bununla konkret siyasi partiyaların və siyasətçilərin özləri zərər görürdülər. “Gürcü Arzusu” və parlament bununla heç nə itirmədi” – Kaxa Kaladze bildirib.