13 -cü ildönümündə qürur duyulası çox şey var – əmin-amanlığın olması qürurvericidir, baxmayaraq ki, ölkə hesaba alınmalı olan düşmənlə mübarizə aparır, “Qlobal Müharibə Partiyası”nı nəzərdə tuturam – bu barədə paytaxtın meri Kaxa Kaladze bu gün jurnalistlərə “Gürcü Arzusu”nun 13 illik idarəçiliyinin nailiyyətləri haqqında danışarkən deyib.

Onun sözlərinə görə, 2012-ci ildən bu günə qədər Gürcüstan bıçaq üzərində yerimək məcburiyyətində qalıb.

“Bununla təkcə bizim hakimiyyət deyil, ABŞ Prezidenti də mübarizə aparır və bu, mühüm çağırışlardan biridir. Gürcüstanın hansı proseslərdən keçdiyinə baxın, götürək 2012-ci ildən bu günə qədər. Biz bıçaq üzərində yerimək məcburiyyətində qaldıq – çoxlu çağırışlar və problemlər, lakin bütün bunlara baxmayaraq, qəti və praqmatik siyasətimizlə ölkədə sülhü qoruyub saxladıq, iqtisadiyyat inkişaf edir. Baxmayaraq ki, bu barədə danışmaq xoşunuza gəlmir, vəziyyət budur – ölkə inkişaf edir, irəliləyir və əlbətdə, əhali firavanlıq yaşayır. Bu, geri dönməz prosesdir. Siyasətimizlə uzunmüddətli sülhün qorunub saxlanması ölkəmiz üçün heç vaxt olmadığı qədər çox vacibdir” – Kaladze bildirib.