Putin Donbası alsa, o, mütləq bütün Ukraynanı fəth etməyə davam edəcək – bu haqda xarici siyasət və təhlükəsizlik məsələləri üzrə Avropa İttifaqının ali nümayəndəsi Kaia Kalas Avropa İttifaqının Xarici İşlər Şurasının iclasından əvvəl mediaya açıqlayıb.

“Ölkələrin niyə NATO-ya qoşulmaq istədiklərini xatırlamalıyıq – çünki onlar Rusiyanın onlara hücum etməsini istəmirlər. Məhz bu səbəbdən İsveç və Finlandiya NATO-ya qoşuldular. Məhz bu səbəbdən Baltikyanı ölkələr bu müdafiə çətirinə sahib olmaq üçün NATO-ya qoşuldular. İndi, əgər bu sual altındadırsa və ya istisna edilirsə, o zaman biz təhlükəsizliyin real, maddi təminatlarının nə olduğunu görməliyik. Bu, sadəcə sənədlər və ya vədlər ola bilməz. Bunlar Ukraynanın özünü müdafiə edə bilməsi üçün real qoşunlar, real imkanlar olmalıdır. Anlamalıyıq ki, Donbas Putinin son məqsədi deyil. Əgər o, Donbası alsa, qala süqut edəcək və sonra o, mütləq bütün Ukraynanı fəth etməyə davam edəcək. Əgər Ukrayna süqut edərsə, digər regionlar da təhlükə altında qalacaq. Biz bunu tarixdən bilirik və tarixdən dərs almalıyıq” -Kaia Kalas bildirib.