Nazirlər çox açıq şəkildə bəyan etdilər ki, Gürcüstanda qanunun aliliyi və insan hüquqları ilə bağlı vəziyyət pisləşməyə davam edir – bu haqda xarici siyasət və təhlükəsizlik məsələləri üzrə Avropa İttifaqının ali nümayəndəsi Kaia Kalas Lüksemburqda Xarici İşlər Nazirləri Şurasının iclasından sonra keçirilən mətbuat konfransında deyib.

Kalas bildirib ki, avropalı səfirlərə qarşı şəxsi hücumlar qəbuledilməzdir və diplomatiyada buna yer olmamalıdır.

“Avropa Komissiyası cari ildə, daha sonra vizasız rejimin dayandırılması mexanizmi ilə bağlı hesabat təqdim edəcək. Noyabrda yeni viza tənzimləmələri qüvvəyə minəcək, bu isə bizə müəyyən qruplar üçün vizasız rejimi ləğv etməyə imkan verəcək” – Kalas bildirib.