Kaia Kalas Ermənistanla viza rejiminin liberallaşdırılması üzrə fəaliyyət planının təsdiqləndiyini açıqlayıb. Yerevanda, Ermənistanın xarici işlər naziri Ararat Mirzoyanla birgə mətbuat konfransında Avropa İttifaqının ali nümayəndəsi qeyd edib ki, Avropa Komissiyası Ermənistanla viza rejiminin liberallaşdırılması üzrə fəaliyyət planı təklifini təsdiqləyib.

“Bütün şərtlər təmin edildikdə və proses başa çatdıqda, Ermənistan və Avropanın qalan hissəsi bir-birinə yaxınlaşacaq” – Kalas bildirib.

Bununla yanaşı, Avropa İttifaqının ali nümayəndəsi sosial şəbəkədə yazır ki, Avropa İttifaqı və Ermənistan heç vaxt indiki qədər yaxın olmayıblar.

“Avropa İttifaqı və Ermənistan heç vaxt indiki qədər yaxın olmayıblar. Bu gün biz iddialı tərəfdaşlıq gündəliyinə dair siyasi razılaşmanı elan etdik. Həmçinin, böhranın idarə edilməsi sahəsində əməkdaşlığın gücləndirilməsi haqqında razılaşmanı imzaladıq” – Kalas yazır.

Kalas, Avropa İttifaqının Ermənistanın 2024-2027-ci illər üçün Dayanıqlılıq və İnkişaf Planı üçün 270 milyon avro ayıracağını deyib. O bildirib ki, bu, biznesin dəstəklənməsinə, Ermənistanla Avropa İttifaqı arasında əlaqələrin inkişafına, həmçinin islahatların dəstəklənməsinə kömək edəcək.