Kaia Kalas Avropa İttifaqının tərəfdaşları ilə birlikdə Suriya və onun qonşu ölkələri üçün 5,8 milyard avro ayıracağını bildirir

 
Avropa İttifaqı tərəfdaşları ilə birlikdə Suriya və onun qonşu ölkələri üçün 5,8 milyard avro ayıracaq. Bu haqda Avropa İttifaqının ali nümayəndəsi Kaia Kalas bildirib.

“Bu, Suriyaya mühüm keçid dövründə kömək edəcək və yerdəki təcili ehtiyaclara cavab verəcək” – Kalas sosial şəbəkədə yazır.

Bu qərarı Brüsseldə keçirilən Suriya məsələləri üzrə doqquzuncu konfransda qəbul ediblər.

Brüsselin Suriya ilə bağlı siyasətində dəyişiklik 2024-cü ilin dekabrında Bəşər Əl-Əsəd rejiminin devrilməsindən sonra başlayıb. Yanvar ayında Avropa İttifaqı Suriya iqtisadiyyatının əsas sektorlarına qarşı sanksiyaları ləğv etməyə razılaşıb.