Avropa ABŞ üçün artıq əsas cəlbedici mərkəz deyil – bu haqda Avropa İttifaqının xarici işlər və təhlükəsizlik siyasəti məsələləri üzrə ali nümayəndəsi Kaia Kalas Avropa Müdafiə Agentliyinin illik konfransındakı çıxışı zamanı deyib.

Onun sözlərinə əsasən, ABŞ-Avropa münasibətlərində dəyişiklik “müvəqqəti deyil, struktur xarakterlidir”.

Kalasın dediyi kimi, Avropa İttifaqının hələ də güclü transatlantik əlaqələrə can atmasına və ABŞ-nin tərəfdaş və müttəfiq olaraq qalmasına baxmayaraq, “Avropa yeni reallıqlara uyğunlaşmalıdır”.

“Avropa Vaşinqton üçün artıq əsas cəlbedici mərkəz deyil. Dəyişiklik artıq müəyyən müddətdir davam edir. Bu, müvəqqəti deyil, struktur xarakterlidir. Bu o deməkdir ki, Avropa irəliyə addım atmalıdır. Avropa hərəkətə keçməlidir. Təhlükəsizlik və müdafiə təşəbbüslərimizin NATO ilə uyğun olmasını təmin etməliyik. Səylərimizi NATO ilə razılaşdırmalıyıq. Top NATO-nun meydanındadır” – Kaia Kalas bildirib.